Karl III. Bretakonungur verður sá fyrsti til að kveikja opinberlega á ljósum Eurovision-sviðsins í Liverpool á miðvikudaginn næstkomandi. Bretakonungur ferðast til M&S Bank Arena á miðvikudaginn næstkomandi, ásamt Kamillu konu sinni, þar sem hann hittir sviðshönnuðina ásamt kynnum keppninnar.  

Bygging sviðsins hófst í byrjun aprílmánaðar og eru skipuleggjendur að leggja lokahönd á það, en tækniæfingar eru þegar hafnar á sviðinu. Opinberar æfingar keppenda hefjast svo þann 30. apríl.

Teikningar af hönnun sviðsins. Ljósmynd/BBC

Sviðinu er ætlað að gefa til kynna að keppnin opni faðm sinn fyrir Úkraínu, en Bretland var valið til að halda keppnina fyrir hönd Úkraínu vegna stríðsins þar í landi. 

Ásamt því að hitta skipuleggjendur og kynna keppninnar, hittir Bretakonungur Mae Mueller sem flytur framlag Breta í Eurovision í ár. 

Tengdar fréttir

Eurovision

Fyrstu viðbrögðin við Söngvakeppninni: „Vá!“

• Nýtt fyrirkomulag við val á vinningslagi
• Playboy-fyrirsæta tekur þátt í undankeppni Eurovision
• Íbúar Basel samþykkja fjármögnun Eurovision
• Hollendingar taka þátt í Eurovision eftir brottvísun

» Fleiri tengdar fréttir

• Blogga um frétt