Spilaði og söng í réttarhöldum

Tónlistarmaðurinn Ed Sheeran tók lagið í dómssal í New York í gær. Tónleikarnir voru þó ekki til að létta á stemmingunni salnum, heldur hluti af sönnunargögnum og yfirheyrslu í höfundaréttarmáli gegn Sheeran vegna lagsins Think­ing Out Loud. 

Frétt af mbl.is

Sagðist ekki vera hálfviti fyrir dómi

Lagið hefur verið sakað um að vera of líkt laginu Let's Get it On eftir R&B goðsögnina Marvin Gaye. Lögin virðast ekki keimlík í fyrstu en að sögn Mark Savage, tónlistarfréttaritara hjá BBC hefur lagið sömu hljóma, en lag Sheeran er í hærri tónhæð. 

Sheeran hefur sagt hljómana undirstöðu í rokktónlist og að hvorki hann né Gaye hafi verið fyrstir né síðastir til að notast við þá í lögum sínum. 

Þetta er ekki í fyrsta skipti sem Sheeran er stefnt fyrir brot á höfundarétt en í fyrra féll dómur honum í hag varðandi höfundarrétt á laginu Shape of You.

Frétt af mbl.is

Ed Sheeran hafði betur

Stefnendur Sheeran eru erfingjar Ed Townsend, meðhöfund lagsins, nánar tiltekið dóttir, systir og fyrrum eiginkona hans.

Lögfræðingar þeirra sýndu myndband í dómssalnum, frá tónleikum Sheeran í Zürich þar sem Ed söng til skiptis Think­ing Out Loud og Let's Get it On, en verjendurnir líktu myndbandinu við rjúkandi byssu, hvað varðar sekt Sheerans. 

Verði Sheeran fundinn sekur, mun nýtt dómsferli hefjast og úrskurðað í því hversu mikið honum verði gert að greiða erfingjum Townsend.  

• Blogga um frétt