Diljá komin í ný föt og með nýjan leikmun
Steinunn Björk Bragadóttir
Setja bókamerki
Diljá Pétursdóttir er nýkomin af fyrstu æfingunni sinni á Eurovision-sviðinu í Liverpool. Allt gekk að óskum og fengum við að sjá nýjan leikmun á sviðinu.
Diljá er klædd í silfur frá toppi til táar og er komin með aflitað hár. Rétt eins og í Söngvakeppninni hér heima einkennist atriðið af bæði líkamlegum og raddlegum styrk. Spörkin eru enn til staðar og augljóst er að Diljá er í hörkuformi. Nokkuð dimmt virðist vera yfir sviðinu í byrjun en grafíkin verður litríkari eftir því sem líður á lagið.
Diljá er með fjórar bakraddir með sér í atriðinu, en einungis þrjár voru á æfingunni í dag. Ásgerir Orri Ásgeirsson, Steinar Baldursson og Kolbrún María Másdóttir eru mætt til Liverpool en sú fjórða, Katla Njáls- og Þórudóttir, kemur til Liverpool á fimmtudaginn. Þetta kemur fram á Instagram-reikningi Kötlu, sem segist ekki komast fyrr vegna anna í háskólanum.
Heimildarmenn tala um hápólitískt drama
„Við vöknuðum við hljóð frá sprengingum“
Vonir bundnar við morgundaginn
Íslensk kona handtekin á Tenerife eftir líkamsárás
Vilja 20 ára dóm í frönsku nauðgunarmáli
Ekki hægt að slá gosið út af borðinu strax
Formaðurinn útilokar ekki undirritun í kvöld