Hinn finnski Käärijä var stigahæstur í kosningu á meðal þeirra sem fengu að sjá fyrsta búningarennsli Eurovision-söngvakeppnninnar í Liverpool í gær. Skákaði hann þar Loreen frá Svíþjóð, en hún fékk næstflest atkvæði í kosningunni.

Kosningin var gerð á meðal þeirra sem fengu að sjá fyrsta rennslið í gær. Það er áhugamannabloggið ESCXTRA.com sem framkvæmdi kosninguna en 2.480 atkvæði voru greidd.

Käärijä hlaut 1.035 atkvæði eða ríflega 41%. Loreen hlaut langtum færri atkvæði eða 381 atkvæði, ríflega 15%. 

Fyrra undankvöld Eurovision fer fram í Liverpool í kvöld og hefst útsending klukkan 19. 

Sams konar kosning verður á morgun þegar Diljá Pétursdóttir fulltrúi Íslands stígur á stóra sviðið. 

Tafla/ESCXTRA.com

Tengdar fréttir

Eurovision

Fyrstu viðbrögðin við Söngvakeppninni: „Vá!“

• Nýtt fyrirkomulag við val á vinningslagi
• Playboy-fyrirsæta tekur þátt í undankeppni Eurovision
• Íbúar Basel samþykkja fjármögnun Eurovision
• Hollendingar taka þátt í Eurovision eftir brottvísun

» Fleiri tengdar fréttir

• Blogga um frétt