Framleiðslu á spennuþáttunum vinsælu S.W.A.T. hefur verið aflýst, af sjónvarpsstöðinni CBS. Þættirnir munu þar af leiðandi ekki snúa aftur með seríu sjö í haust eins og margir spenntir aðdáendur héldu. 

Bandaríski leikarinn Shemar Moore, sem er þekktur fyrir leik sinn sem Daniel „Hondo“ Harrelson í þáttunum, deildi myndbandi með fylgjendum sínum á Instagram þar sem hann virtist mjög skúffaður og skildi hvorki upp né niður í þessari ákvörðun.

Sjötta þáttaröðin er í gangi í Bandaríkjunum um þessar mundir og er að meðaltali með 6,8 milljónir áhorfenda í hverri viku og eru því margir ekki að skilja þessa ákvörðun CBS og þá sérstaklega Moore sem sagði: „Að aflýsa þættinum eru f**** mistök.“

Tæplega 100.000 manns hafa líkað við færslu Moore og mörg hundruð hafa skrifað undir, honum og þættinum til stuðnings.

Tengdar fréttir

Sjónvarp og hlaðvarp

Opnar sig um hörmulegt andlát 4 ára sonar síns

• Ísland í sviðsljósinu: Íslensk hrollvekja heillar Bandaríkjamenn
• Útskýrir umdeilda breytingu: Ariana Grande opnar sig
• Snúa eiginkonurnar aftur?
• Áritaði beran barminn á Rihönnu

» Fleiri tengdar fréttir

• Blogga um frétt