Tom Cruise heitur fyrir Shakiru
Setja bókamerki
Tengdar fréttir
Tom Cruise
Leikarinn Tom Cruise er sagður vera heitur fyrir poppdívunni Shakiru sem varð nýlega einhleyp, en þau hittust á Formúlu 1 kappakstrinum í Miami í Flórída síðastliðna helgi.
Heimildarmaður Page Six segir neista hafa kviknað á milli Cruise og Shakiru í Miami, en þau virtust eyða þó nokkrum tíma saman og voru meðal annars mynduð saman. Þá er Cruise sagður hafa sent söngkonunni blóm eftir helgina.
„Hann hefur mikinn áhuga á henni. Shakira þarf mjúkan kodda til að falla á, og það gæti verið Tom,“ sagði heimildarmaðurinn og bætti við að Cruise væri myndarlegur og hæfileikaríkur maður.
Sambandsslit og dómsmál
Shakira hefur verið áberandi í fjölmiðlum síðasta ár, en í júní síðastliðnum sagði hún skilið við fyrrverandi eiginmann sinn til 12 ára, knattspyrnumanninn Gerard Piqué eftir meint framhjáhald.
Mánuði síðar var Shakiru skipað að mæta fyrir dómstóla eftir að spænsk stjórnvöld ákærðu söngkonuna fyrir að hafa ekki greitt skatt af tekjum sínum á árunum 2012 til 2014.
Tengdar fréttir
Tom Cruise
Nýtt fangelsi í landi Stóra-Hrauns tilbúið 2028
Sólveig Anna furðar sig á aðferðum kennara
Hópur fólks reyndi að komast að eldgosinu
Viðræður ekkert þokast frá því á þriðjudag
Reiðubúin að aflýsa verkföllum í fjórum leikskólum
