Eurovision-söngvakeppnin verður haldin í Úkraínu, um leið og landið hefur sigrað stríðið gegn Rússum, að sögn sigurvegara síðasta árs. 

„Að sjálfsögðu vildum við óska þess að keppnin væri haldin í Úkraínu, en það er því miður enn ómögulegt“ sagði Tymofii Muzychuk. 

Muzychuk er liðsmaður sveitarinnar Kalush Orchestra sem sigraði í fyrra og mun hljómsveitin stíga á svið í Liverpool um helgina samkvæmt umfjöllun Guardian, en þegar hafa þeir troðið upp í Eurovision-þorpinu. 

Úkraína sigraði keppn­ina á síðasta ári en Bret­land heldur keppn­ina fyr­ir þeirra hönd, vegna inn­rás­ar Rússa, og fer aðalkeppnin fram á laugardag í Liverpool. 

Frétt af k100.is

Söngvakeppnin í sprengjubyrgi

Þakklátur Bretum

Muzychuk kvaðst ævinlega þakklátur Bretum fyrir að taka að sér að halda keppnina. Hann sagðist ekki efast um að keppnin innihéldi ýmsar tilvísanir til úkraínskrar menningar.

Lag Kalush Orchestra, Stefania, sló öll met í fyrra en það er fyrsta lag sem inniheldur rapptexta til að vinna Eurovision, og hlaut flest atkvæði í sögu keppninnar. 

Hljómsveitin seldi sigurbikarinn fyrir 900 þúsund Bandaríkjadali, eða um 121 milljón króna, sem hún gaf úkraínska hernum.

Frétt af mbl.is

Seldu verðlaunagripinn í fjáröflunarskyni

Tengdar fréttir

Eurovision

Fyrstu viðbrögðin við Söngvakeppninni: „Vá!“

• Nýtt fyrirkomulag við val á vinningslagi
• Playboy-fyrirsæta tekur þátt í undankeppni Eurovision
• Íbúar Basel samþykkja fjármögnun Eurovision
• Hollendingar taka þátt í Eurovision eftir brottvísun

» Fleiri tengdar fréttir

• Blogga um frétt