Eurovision-söngvakeppnin í Liverpool í gærkvöldi sló öll met og hlaut mesta áhorf í sögu keppninnar samkvæmt BBC. 

Meðaláhorf yfir allt kvöldið var 9,9 milljónir, en 11 milljónir manns horfðu á í sögulegu fimm mínútna hámarksáhorfi. Til samanburðar var áhorf keppninnar í Tórínó á Ítalíu í fyrra 8,9 milljónir.

Keppni gærkvöldsins sló áhorfsmet frá árinu 2011, en þá var keppnin haldin í Dusseldorf í Þýskalandi og hlaut 9,5 milljóna meðaláhorf. Aserbaísjan bar sigur úr býtum það árið með lagið Running Scared, en framlag Íslands það árið var Aftur heim með Vinum Sjonna.

Loreen, keppandi Svíþjóðar, vann keppnina í annað sinn með lagið Tattoo, í ár en hún bar einnig sigur úr býtum árið 2012 í Baku með lagið Euphoria. 

Tengdar fréttir

Eurovision

Fyrstu viðbrögðin við Söngvakeppninni: „Vá!“

• Nýtt fyrirkomulag við val á vinningslagi
• Playboy-fyrirsæta tekur þátt í undankeppni Eurovision
• Íbúar Basel samþykkja fjármögnun Eurovision
• Hollendingar taka þátt í Eurovision eftir brottvísun

» Fleiri tengdar fréttir

• Blogga um frétt