Lögð til hinstu hvílu

Anne Heche var lögð til hinstu hvílu á mjög sérstökum degi, sjálfum mæðradeginum. Leikkonan, sem lést í kjölfar hrottalegs bílslyss á síðasta ári, var grafin í Hollywood Forever Cemetery Cathedral-grafhýsinu um helgina. 

Frétt af mbl.is

Anne Heche alvarlega slösuð eftir bílslys

Samkvæmt TMZ var þetta „mjög sérstök en tilfinningarík athöfn fyrir þá sem elskuðu hana hvað mest.“ Heche var brennd og er duftker hennar nálægt tónlistarmönnunum Chris Cornell og Johnny Ramone og Hollywood-goðsögninni, Mickey Rooney. 

Komst aldrei til meðvitundar

Heche ók bif­reið sinni á mik­illi ferð inn í hús  í Los Ang­eles í Banda­ríkj­un­um í byrjun ágúst á síðasta ári. Grun­ur lék á um að hún hefði ekið und­ir áhrif­um áfeng­is eða fíkni­efna en svo reyndist ekki vera. Hún komst aldrei til meðvitundar eftir slysið og lést dögum síðar. Hún var 53 ára gömul. 

Leik­kon­an sem var þekkt­ust fyr­ir leik sinn í kvikmyndunum Donnie Brasco, Wag the Dog og Six Days, Seven Nights lætur eftir sig tvo syni, Homer og Atlas. 

Frétt af mbl.is

Anne Heche látin

• Blogga um frétt