Beiðni Priscillu Presley, athafnakonu og fyrrverandi eiginkonu Elvis Presley, um að verða lögð til hinstu hvílu við hlið rokkstjörnunnnar hefur verið hafnað. Beiðnin kom upp í samningaviðræðum er snúa að erfðamálum dóttur fyrrverandi Presley-hjónanna, Lisu Marie Presley, sem lést snemma á árinu. 

Frétt af mbl.is

Jörðuð við hlið sonar síns í Graceland

Priscilla Presley, sem er 77 ára, bað um að fá að hvíla við hlið Elvis Presley í grafreit fjölskyldunnar á heimili hins látna söngvara, Graceland í Memphis, Tennessee, en var snögglega synjað að sögn heimildarmanna TMZ.

Grafin í Graceland

Fyrir utan sjálfan konung rokksins eiga nokkrir aðrir meðlimir Presley-fjölskyldunnar síðasta hvíldarstað sinn á Graceland-lóðinni.

Frétt af mbl.is

Dóttursonur Presleys hvílir við hlið hans

Lisa Marie, sem lést hinn 12. janúar síðastliðin eftir að hafa farið í hjartastopp, var jörðuð þar við hlið sonar síns, Benjamin Keough. Hann féll fyrir eigin hendi í júlí árið 2020 aðeins 27 ára að aldri. Foreldrar Elvis Presley, Vernon og Gladys Presley, eru einnig jörðuð á lóðinni. 

Gengur frá borði með háa summu

Priscilla Presley hefur samkvæmt heimildarmönnum náð að útkljá annað er varðar erfðamál dóttur sinnar heitinnar og gengur brött frá borði með háa summu af peningum. 

„Sem fjölskylda erum við ánægð að hafa náð að leysa þetta saman. Ég og fjölskylda mín vonum að allir muni veita okkur það næði sem við þurfum til þess að halda áfram að syrgja Lisu Marie almennilega og eyða persónulegum tíma saman,“ sagði Priscilla Presley í yfirlýsingu við Page Six fyrr í vikunni.  

Tengdar fréttir

Frægar fjölskyldur

Sláandi lík föður sínum

• Mætti með son sinn upp á arminn
• Fann ekki fyrir móðurlegu eðlishvötinni
• „Kormákur fékkst ekki samþykkt sem ættarnafn“
• Unnur Eggerts á von á öðru barni

» Fleiri tengdar fréttir

• Blogga um frétt