Stal Loreen stílnum af Sæmundi?
Setja bókamerki
Söngkonan Loreen sigraði síðastliðna Eurovision-keppni fyrir hönd Svía og vakti stíll hennar mikla athygli. Strax eftir sigurinn vakti íslenski listamaðurinn Sæmundur Þór Helgason athygli á líkindum á milli atriðis hennar og stuttmyndarinnar Mantis sem hann gaf út árið 2022.
Á Instagram-síðu sinni hefur Sæmundur birt nokkrar myndir þar sem hann ber Loreen á Eurovision-sviðinu og persónuna úr mynd sinni saman og sjá má að líkindin eru sláandi.
Sænska ríkissjónvarpið, SVT, birti á dögunum viðtal við Sæmund þar sem rætt var við hann um málið. Sagðist hann skilja að listafólk fái oft innblástur af verkum annarra en að þetta séu ansi mikil líkindi.
Í svari Lottu Furebäck, sem fór fyrir sænska Eurovision-hópnum, til blaðamanns SVT kemur fram að listrænt teymi Loreen hafi fengið innblástur frá marokkóskum uppruna Loreen, mótorhjólaiðnaðinum og kvikmyndum á borð við Dune. Enginn þeirra hafi séð stuttmyndina Mantis.
Umboðsmaður barna krefur ráðherra um svör
Hlutfallslega flestir fóru í Voga
Segir PISA-niðurstöðurnar endurspegla menntakerfið
Myndband: Hnúfubakar komu fjölskyldu á bát á óvart
Hyggst skoða lög um nafnabreytingar
Engin tengsl virðast vera á milli drengjanna