Íslensk kyrkislanga vekur athygli

Samfélagsmiðlastjörnurnar Ólafur Jóhann og Eggert Unnar notuðu vefinn Omegle í beinu streymi nú á dögunum og römbuðu þar á íslenska stelpu sem hélt á slöngu.

Birtu þeir myndband af samtali sínu við stúlkuna á samfélagsmiðlinum TikTok og lofuðu því að fara að hitta slönguna ef myndbandið fengi 3.500 læk.

Upprunalega myndskeiðið hefur fengið fleiri en átta þúsund læk en myndbandið má sjá hér að neðan. Í því kemur fram að eigandi slöngunnar, sem ber víst nafnið Akíra og er kyrkislanga, hafi fengið hana á Facebook fyrir hundrað þúsund krónur. 

Drengirnir héldu í heimahús eigandans til þess að hitta slönguna. Ljóst er að Eggert Unnar er logandi hræddur við snákinn en í myndbandi hans um heimsóknina kemur fram að Eggert sé ekki hræddur við neitt nema „slöngur“.

Myndbönd Ólafs og Eggerts má sjá hér að neðan. 

„Ég myndi kúra með sko fjórum ljónum áður en ég geri þetta aftur,“ segir Eggert í öðru myndbandinu, augljóslega eftir sig eftir upplifunina. 

Í lokin á myndbandi sínu lofar Ólafur því að vinirnir tveir muni vera í beinu streymi á Omegle með slöngunni, ef myndband hans fær tíu þúsund læk. 

• Blogga um frétt