Leikarinn Ray Stevenson er látinn

Leikarinn Ray Stevenson, sem lék í vinsælum sjónvarpsþáttum á borð Rome, Vikings og Dexter, er látinn, 58 ára gamall.

Hann var einnig þekktur fyrir hlutverk sín í kvikmyndunum um Þór og þáttaröðinni Divergent. Einnig lék hann í ýmsum breskum þáttum á borð við Band of Gold, Peak Practice og Murphy´s Law.

Ekki hefur verið greint frá því hvernig hann lést. Hann er sagður hafa verið lagður inn á sjúkrahús á meðan hann var við upptökur á kvikmyndinni Cassiono á ítölsku eyjunni Ischia, að sögn BBC.

Tilkynnt var um andlát leikarans aðeins fjórum dögum fyrir 59 ára afmæli hans.

• Blogga um frétt