Aflýsir tónleikum vegna raddmeiðsla

Söngvarinn Sam Smith hefur þurft að aflýsa tónleikum sínum í Glasgow og Birmingham vegna raddmeiðsla. Fyrr í vikunni þurfti hán að stöðva tónleika sína í Manchester eftir aðeins fjögur lög af sömu ástæðu.

Talsmaður Smith segir að hán sé miður sín yfir aðstæðunum en þurfi að fylgja fyrirmælum læknis síns, sem voru hvíld á raddböndunum í einhvern tíma. Að sögn læknis Smith gæti hán átt á hættu að missa röddina til frambúðar ef hán hvíli ekki röddina. Um leið og þeirri hvíld er lokið geti tónleikaferðalagið hafist á ný.

Ákveðnar verða nýja dagsetningar fyrir tónleika Smith í Manchester, Glasgow og Birmingham. Einnig hefur verið gefið út að öll þau sem áttu miða á þessa þrenna tónleika fái endurgreitt að fullu.

• Blogga um frétt