Flaug á hausinn á miðjum tónleikum

Rokkgoðsögnin Bruce Springsteen hrasaði beint á andlitið á tónleikum sínum sem haldnir voru í Amsterdam síðastliðna helgi. Betur fór en á horfðist og varð honum ekki meint af fallinu.

Hljómsveitarmeðlimir og sviðsmenn stukku til um leið og hann féll og voru snöggir að aðstoða hinn 73 ára gamla Springsteen aftur á lappir. Klöppuðu áhorfendur fyrir rokkaranum, sem gerði góðlátlegt grín að fallinu og bauð þeim góða nótt þegar hann fékk hljóðnemann sinn aftur í hendurnar. Hann var þó langt því frá búinn að ljúka sér af og hélt tónleikunum ótrauður áfram.

• Blogga um frétt