Arsenal-stjarna frumsýndi nýju kærustuna

Norski knattspyrnumaðurinn Martin Ødegaard er kominn á fast. Sú heppna heitir Helene Spilling og er dansari, en hún tók þátt í þáttunum Skal vi Danse sem er norska útgáfan af Strictly Come Dancing sem BBC sýnir í Bretlandi.

Ødegaard er fyrirliði Arsenal og norska landsliðsins í knattspyrnu. Orðrómur um rómantík milli Ødegaard og Spilling fór á flug eftir að þau sáust saman á London Football Awards í mars síðastliðnum.

Knattspyrnumaðurinn staðfesti svo loksins orðróminn þegar hann birti Instagram-færslu og deildi myndum af nýju kærustunni með yfirskriftinni: „Lífið er gott.“

• Blogga um frétt