Leikkonan Beanie Feldstein og Bonnie-Chance Roberts gengu í hjónaband hinn 20. maí síðastliðinn í fallegri athöfn við Cedar Lakes Estate í Hudson Valley í Bandaríkjunum. Feldstein, sem er yngri systir leikarans Jonah Hill, birti myndaseríur á Instagram og sýndi frá hátíðahöldunum.

“Þetta er hamingjustaður okkur beggja,” sagði Feldstein í samtali sínu við tímaritið Vogue. “Ég ólst upp hér. Hingað kom ég í sumarbúðir á hverju sumri í tíu ár og foreldrar mínir og bæði sett af ömmum og öfum kynntust í sumarbúðum. Það má því segja að sumarbúðir séu hið formlega ástartungumál fjölskyldunnar og þetta því viðeigandi staður.

Við kynntumst í Lundúnum og urðum ástfangnar á kvikmyndasetti, ekki í sumarbúðum, en það var þrátt fyrir það mjög þýðingarmikið fyrir okkur báðar að gifta okkur hér,” útskýrði Feldstein.

Tengdar fréttir

Ást í Hollywood

Jackman í kossaflensi í Kaliforníu

• Fyrrverandi barnastjörnur í hnapphelduna
• Heitasta parið í Hollywood hætt saman
• Hætt að fela ást sína
• Er Zendaya trúlofuð Tom Holland?

» Fleiri tengdar fréttir

• Blogga um frétt