Veðurguðirnir passa upp á Sumarjazzinn

„Það er allt klárt fyrir fyrstu tónleikana og fram undan er fjölbreytt sumar,“ segir Sigurður Flosason, listrænn stjórnandi tónleikaraðarinnar Sumarjazz á veitingastaðnum Jómfrúnni við Lækjargötu.

Fyrstu tónleikar sumarsins fara fram í dag klukkan 15 og þar mun Sveifluvaktin renna í gömlu góðu svingstandardana. Sigurður leikur sjálfur á saxófón en með honum eru Snorri Sigurðarson á trompet, Kjartan Valdemarsson á píanó, Nico Moreaux á kontrabassa og Einar Scheving á trommur.

Þetta er 28. sumarið í röð sem djassinn dunar á Jómfrúartorginu á laugardögum og hefur Sigurður séð um skipulagningu frá upphafi, ef fyrsta árið er undanskilið.

Lesa má meira um málið í Morgunblaðinu í dag. 

• Blogga um frétt