Vilhjálmur prins af Wales og Katrín prinsessa af Wales voru viðstödd konunglegt brúðkaup í Amman, Jórdaníu. 

Hus­sein bin Abdullah II., krón­prins Jórdan­íu, kvænt­ist unn­ustu sinni Rajwu Khaled Al­seif á dögunum. 

Brúðkaupið var hið glæsilegasta og klæddist brúðurin kjól frá Elie Saab og skipti yfir í kjól frá Dolce & Gabbana þegar leið á kvöldið og veisluhöld hófust.

Krón­prins­inn, sem er 28 ára, er sagður afar góður vin­ur Vil­hjálms Bretaprins og voru hann og Katrín prinsessa á meðal gesta. Þá var Beatrice prinsessa einnig þar ásamt manni sínum Edoardo Mozzi en hún er einnig náin vinkona konungsfjölskyldunnar í Jórdaníu.

Meðal gesta voru einnig Friðrik krónprins Danmerkur og Mary prinsessa, Willem-Alexander Hollandskonungur og Maxima drottning.