Spennan virðist nú vera meiri en nokkru sinni fyrr á milli Harrys Bretapins og konungsfjölskyldunnar, en hann og Meghan hertogaynja af Sussex hafa að sögn ekki fengið opinbert boð um að vera viðstödd afmælisgöngu Karls III. Bretakonungs í næstu viku.

„Ég er hræddur um að þetta endurspegli stöðu samskipta í augnablikinu,“ sagði heimildamaður Daily Mail.

Þetta er í fyrsta skipti sem Harry hefur ekki verið velkominn í opinbera afmælishátíð föður síns, en ástæðan er talin yfirstandandi dómsmál sem Harry höfðaði á hendur blaðaútgefandanum Mirror Group Newspaper.

Frétt af mbl.is

Harry prins er mættur fyrir dóm

Konungsfjölskyldan allt annað en sátt

Harry skráði sig á spjöld sögunnar með vitnisburði sínum í hæstarétti Lundúna hinn 6. júní síðastliðinn, en að sögn háttsettra heimildarmanna Page Six er konungsfjölskyldan allt annað en sátt.

„Harry lítur á þetta eins og hann sé að berjast þeirra bardaga líka, til að vernda orðstír konungsveldisins. En vissulega forðast konungsfjölskyldan árekstra við fjölmiðla í flestum tilfellum. Og málaferli eru svo langdregin, streituvaldandi og ófyrirsjáanleg – að ekki sé minnst á kostnaðarsöm,“ sagði hann.

Tengdar fréttir

Kóngafólk

Forréttindi að þurfa ekki að kveðja móður sína

• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi
• Fer fögrum orðum um eiginkonuna

» Fleiri tengdar fréttir

• Blogga um frétt