Stjörnurnar minnast Treat Williams
Setja bókamerki
Treat Williams, sem þekktastur varð fyrir leik sinn sem Dr. Andrew „Andy“ Brown í sjónvarpsþáttaröðinni Everwood, lést í umferðarslysi í Vermont–fylki í gær. Williams var afar vinsæll og hafa fjölmargir innan kvikmyndageirans minnst hans á samfélagsmiðlum í dag.
John Travolta:
„Ég og Treat Williams hófum leikferla okkar í New York–borg. Við lékum saman í tveimur Broadway–sýningum, Grease og Over Here. Mér þykir þetta ó, svo sárt, kæri Treat. Hugur minn er hjá þér og fjölskyldu þinni. Þín verður saknað, kærleikskveðjur, John.“
Emily VanCamp:
„Í þau ótal skipti sem við unnum saman – alltaf yndislegt. Ég var alltaf spennt fyrir næsta skipti. Ég sendi alla mína ást til fjölskyldunnar. Fljúgðu hátt, vinur minn.“
Sharon Stone:
„Sorglegar fréttir. Hvíldu í friði, bróðir.“
Billy Baldwin:
„Gáfaður. Hæfileikaríkur. Farsæll. Myndarlegur. Með hjarta úr gullu. Og þetta nafn....Treat Williams.“
Kim Cattrall:
„Ég er í áfalli! Hvíldu í friði kæri Treat. Samúðarkveðjur til Pam, Gilles, Ellie og fjölskyldunnar. Yndislegur leikari og vinur.“ Cattrall birti mynd af parinu úr sjónvarpsmyndinni 36 Hours to Die frá árinu 1999.
Matt Bomer:
„Treat Williams var algjör fjársjóður – bæði sem leikari og manneskja. Það var mér mikill heiður þegar hann samþykkti að leika föður minn í White Collar. Treat, þú varst frábær leikari og ég mun sakna þín.“
James Woods:
„Ég og Treat eyddum mánuðum saman í Róm við tökur á Once Upon a Time in America. Það verður oft ansi einmanalegt yfir þessi löngu tökutímabil, en seiglan og þetta frábæra skap hans voru sannkölluð guðsending á þessum tíma. Mér þótti virkilega vænt um hann og er miður mín yfir því að hann skuli vera farinn.“
Vopnahléi frestað
„Ekkert horft á þarfir samfélagsins“
Mærir starfskrafta og samfélagssýn Þórðar Snæs
Frekari rýming á Seyðisfirði
Fyrstu gíslunum sleppt úr haldi Hamas
Vara við aukinni snjóflóðahættu á Austfjörðum
140 þurfa að yfirgefa heimili sín