Holly Ramsay, dóttir sjónvarpskokksins Gordons Ramsays, virðist hafa fundið ástina og er komin á fast með ólympíufaranum Adam Peaty. 

Peaty er 28 ára gamall Breti og hefur unnið þrenn gullverðlaun og tvenn silfurverðlaun í sundi á Ólympíuleikunum, annars vegar í Ríó árið 2016 og hins vegar í Tókýó árið 2020. 

Ramsay og Peaty eru sögð hafa verið að hittast undanfarnar vikur, en þau opinberuðu samband sitt á Instagram á dögunum. Þau kynntust í gegnum miðilinn eftir að systir Ramsay, Tilly, tók þátt í Strictly Come Dancing með Peaty árið 2021. 

Heimildamaður The Sun segir Peaty þegar hafa eytt gæðastundum með fjölskyldu Ramsay, þar á meðal föður hennar, sem er einmitt byrjaður að fylgja ólympíufaranum á Instagram.

Tengdar fréttir

Ást

Þetta áttu aldrei að segja við makann

• Stjörnupar hefur slitið trúlofun sinni
• Hvaða bresku Love is Blind-pör eru enn saman?
• Megan Thee Stallion opinberar nýjan elskhuga
• Rýfur þögnina eftir framhjáhaldsskandal

» Fleiri tengdar fréttir

• Blogga um frétt