Opnað hefur verið fyrir innsendingu laga í Söngvakeppnina 2024 og hægt verður að senda inn lög til og með 10. september næstkomandi. Aldrei áður hefur verið opnað jafn snemma fyrir þau sem sækjast eftir því að vera fulltrúi Íslands í Eurovision-keppninni.

Samkvæmt RÚV gefst öllum tækifæri til að senda inn lag og eru allir laga- og textahöfundar landsins hvattir til að taka þátt. Einnig verður leitað til reyndra lagahöfunda eftir lögum. Eins og síðustu ár munu tíu lög keppa um að verða framlag Íslands í Eurovision-keppninni, sem verður haldin í Svíþjóð á næsta ári. Svíar áætla að tilkynnt verði um nánari staðsetningu seinna í sumar.

Hægt er að senda inn sitt lag á vefsíðu Söngvakeppninnar.

Tengdar fréttir

Eurovision

Nýtt fyrirkomulag við val á vinningslagi

• Playboy-fyrirsæta tekur þátt í undankeppni Eurovision
• Íbúar Basel samþykkja fjármögnun Eurovision
• Hollendingar taka þátt í Eurovision eftir brottvísun
• Þekktur sigurvegari Eurovision látinn

» Fleiri tengdar fréttir

• Blogga um frétt