Eiður fann bílinn með „Find My AirPods“

Eiður Birg­is­son kvik­mynda­fram­leiðandi hefur fundið Jagúarinn sinn sem var stolið í vikunni fyr­ir utan bíla­sölu á Höfða.

Eiður hafði greinilega skilið heyrnartól eftir í bílnum, þar sem hann fann bílinn með hjálp staðsetningarbúnaðarins „Find my AirPods“ 

Bíllinn hafði fengið nýjar númeraplötur en var annars í fínu standi þegar hann fannst, að sögn Eiðs, sem biðlaði til net­verja eftir að bílnum var stolið. Hann bauðst til þess að bjóða upp á ísbíltúr í fund­ar­laun en svo virðist vera að hann hafi sjálfur fundið hann og því færi hann sjálfur í ísbíltúrinn.

Frétt af mbl.is

Eiður býður ísbíltúr í fundarlaun fyrir Jaguarinn

„Bíllinn er fundinn! Ég vil þakka öllum fyrir sem gáfu sér tíma í að deila þessu eða aðstoða með einum eða öðrum hætti. Bíllinn er alveg heill og hefur aldrei litið betur út. Hann fékk nýjar númeraplötur en annars er allt óbreytt við bíllinn,“ skrifar Eiður á fésbókarsíðuna sína.

„Í stuttu máli þá fannst bílinn þegar það var verið að leita að airpods með aðgerðinni find my airpods,“ skrifar Eiður en „Find My AirPods“ er staðsetningarkerfi í AirPods-heyrnartólum Apple sem leyfir eiganda heyrnartólanna að sjá hvar tólin eru staðsett.

• Blogga um frétt