Kettirnir sem standa vörð um dvalarheimilin
Setja bókamerki
Á dvalar- og hjúkrunarheimilum sem og öðrum búsetuúrræðum víða um land má finna mjálmandi og syngjandi íbúa í bland við mannfólkið. Dýrin eru jafn miklir íbúar á heimilinu og hver annar innan veggja þeirra og veita þau mannfólkinu hlýju, stuðning og nánd.
Mbl.is fór á rúntinn og heimsótti fjóra ketti og nokkra fugla sem öll eiga það sameiginlegt að búa á dvalar- og hjúkrunarheimilum í sátt og samlyndi við mannfólkið á svæðinu. Við kíktum á Hnoðra og Tomma sem búa á dvalarheimilinu Ási í Hveragerði, Valdimar á Hrafnistu í Boðaþingi og Prinsessu og fuglana sem búa á Skjóli.
Myndband frá heimsóknunum má sjá hér að ofan.
Tíu ára valin fyrir gott geðslag og manngæsku
Fleiri gæludýr en þessi fyrrnefndu er þó að finna víða um land en dæmi um það er kötturinn Pandóra, sem alla jafna er kölluð Panda. Panda er um tólf ára gömul og býr hún í íbúðakjarna fyrir fólk með fatlanir á Þorlákshöfn.
Panda var valin sérstaklega af Kattholti til þess að flytja til Þorlákshafnar í íbúðakjarnann fyrir um tveimur árum síðan vegna þess hve gott geðslag hún hefur og hve mannelsk hún er.
„Hún er starfsmaður, vinnur fyrir mat og mjólk,“ segir Kolbrún Una Jóhannsdóttir, forstöðumaður íbúðakjarnans, hlæjandi í samtali við mbl.is.
Vinur fólksins á Húsavík
Þá má einnig nefna köttinn Vin sem fer í heimsóknir á heilabilunardeild sjúkrahússins á Húsavík. Eigandi Vinar sagði í samtali við mbl.is að starfsfólk á deildinni hefði gantast með það að hann ætti að koma í dagvistun sökum aldurs.
Þekkir þú til dýra sem gegna áhugaverðum hlutverkum eða verkefnum? Sendu tölvupóst á ellen@mbl.is.
Jörðin hvorki flöt né kringlótt
Mærir starfskrafta og samfélagssýn Þórðar Snæs
Orðið lúxusvandamál að velja lögin
Hringvegurinn settur á óvissustig
Gullhúðun stöðvar Hvammsvirkjun
760 manns eru í vinnu í Grindavík
Gerir ráð fyrir frekari málaferlum
