Jazm­in Grace Grimaldi er dugleg að heimsækja Albert fursta, föður sinn, til Mónakó og sást til hennar í bláum fjaðurkjól á opnunarhátíð í Monte Carlo. 

Grimaldi sagðist vera spennt fyrir að fá að taka þátt í fyrstu hátíðinni sinni þarna í Mónakó. Hún væri komin bæði til þess að heiðra fjölskyldu sína og koma sér á framfæri sem leikkonu.

Grimaldi fædd­ist árið 1992 og er fyrsta barn Al­berts fursta af Mónakó. Hún var get­in utan hjóna­bands og er því ekki lög­leg­ur erf­ingi krún­unn­ar. Hálf­bróðir henn­ar, Jacqu­es, er erf­ing­inn. 

Móðir hennar er Tam­ara Rotolo, sem er banda­rísk og var gengil­beina þegar hún kynnt­ist furst­an­um á ferðalagi um frönsku ri­víer­una. Sam­band þeirra var skamm­líft og ákvað hún að ala upp barn þeirra í Banda­ríkj­un­um. Albert hitti fyrst dóttur sína þegar hún var ellefu ára og kom að heimsækja hann til Mónakó.