Hætti að fylgja nokkrum af heitustu Hollywood-stjörnunum

Leik– og söngkonan Selena Gomez hætti að fylgja nokkrum af heitustu stjörnum Hollywood yfir helgina og er ástæðan óþekkt. 

Frétt af mbl.is

Braut 400 milljóna múrinn

Gomez, sem er þekkt fyrir leik sinn í þáttaseríunni Only Murders in the Building, er með 424 milljónir fylgjenda á Instagram og fjórða vinsælasta manneskjan á samfélagsmiðlinum, fjarlægði systurnar Gigi og Bellu Hadid, söngkonuna Dua Lipa og fyrrverandi One Direction–söngvarann Zayn Malik sem hún var orðuð við fyrr á þessu ári. 

Malik deilir tveggja ára dóttur með fyrrverandi kærustu sinni, Gigi Hadid og getur það verið ein ástæða þess að hún hafi hætt að fylgja Hadid–systrunum og Malik. 

Frétt af mbl.is

Fékk nýtt nýra í sumar

Frétt af k100.is

Minntist ekki orði á vinkonuna sem gaf henni nýtt líf

Leikkonan er þekkt fyrir að eiga í erjum á samfélagsmiðlum, en fyrrverandi besta vinkona leikkonunnar, Francia Raisa, gaf Gomez annað nýrað sitt árið 2017, en upp úr því urðu hávaðasamar deilur á netinu.

Gomez sem glímir við sjúkdóm í stoðvef, hélt áfram að drekka áfengi eftir aðgerðina sem fór verulega fyrir brjóstið á Raisa og minntist sömuleiðis ekki á fyrrverandi vinkonu sína og lífsgjöfina í heimildarmyndinni My Mind and Me. 

Gomez sást yfirgefa veitingastaðinn Nobu í Malibu yfir helgina og samkvæmt myndum sem birtust á Page Six virtist leikkonan heldur áhyggjufull á svipinn og fóru umræður í gang á samfélagsmiðlum um andlegt ástand leikkonunnar, en hún þjáist af geðhvarfasýki, kvíða og þunglyndi. 

Frétt af mbl.is

Greinir frá andlegum veikindum

• Blogga um frétt