Vilhjálmur Bretaprins og kryddpían Geri Halliwell hafa tekið höndum saman til að kynna nýlegt verkefni Vilhjálms sem miðar að því að sporna við heimilisleysi í Bretlandi. Tvíeykið heimsótti á dögunum grunnskóla í Wales þar sem þau kynntu sér hvernig skólar geta gripið inn í sem fyrst til að koma í veg fyrir að nemendur verði heimilislausir í framtíðinni.

Verkefni prinsins er ætlað að nýta sérfræðiþekkingu stofnana og einstaklinga til að útbúa sérsniðna áætlun til að koma í veg fyrir heimilisleysi í Bretlandi. Í yfirlýsingu sinni vegna verkefnisins segir prinsinn af Wales að í nútímasamfélagi ættu allir að eiga öruggt heimili og með verkefninu vilji hann gera það að veruleika.

Halliwell deildi ferð sinni með prinsinum til Wales á Instagram-reikningi sínum. Segir hún að menntun sé lykillinn að því að rjúfa kynslóðavítahring hvað varðar heimilisleysi. Lýsir hún einnig yfir ánægju sinni með að fá að vera talskona verkefnisins.

Tengdar fréttir

Kóngafólk

Forréttindi að þurfa ekki að kveðja móður sína

• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi
• Fer fögrum orðum um eiginkonuna

» Fleiri tengdar fréttir

• Blogga um frétt