Fékk ösku í poka upp á svið

Söngkonan Pink lenti í sérdeilis einkennilegu atviki á tónleikum sínum í Lundúnum um helgina. Einn tónleikagestanna henti poka upp á svið sem innihélt ösku látinnar móður sinnar og átti söngkonan í stökustu vandræðum með að skilja af hverju.

Myndband sem náðist af atvikinu er nú í dreifingu á samfélagsmiðlum og má þar sjá þegar pokinn með öskunni lendir við fætur söngkonunnar.

„Er þetta mamma þín?“ heyrist Pink segja við tónleikagestinn sem gerðist svo djarfur að henda öskunni á sviðið.

Söngkonunni er augljóslega brugðið, en hún leggur pokann á sviðsbrúnina áður en hún heldur ótrauð áfram flutningi sínum á laginu Just Like a Pill.

• Blogga um frétt