Ekin-Su Cülcüloglu og Davide Sanclimenti, sigurvegarar síðustu þáttaraðar Love Island, hafa nú farið hvort í sína áttina. Rétt misstu þau af því að halda upp á ársafmæli sambandsins 11 mánuðir eru síðan þau stóðu uppi sem sigurvegarar raunveruleikaþáttarins, eftir nokkuð stormasama sambandsbyrjun.

Saclimenti deildi fréttunum á Instagram-síðu sinni, einungis þremur dögum eftir að parið sást síðast opinberlega saman. Samkvæmt heimildarmanni Sun hafði fyrrverandi parið átt erfitt uppdráttar upp á síðkastið og þrátt fyrir að hafa reynt sitt besta til að viðhalda sambandinu hafi þau ákveðið að slíta því.

Sambandið virðist þó hafa staðið á brauðfótum í þó nokkurn tíma, en orðrómur um framhjáhald Saclimenti spratt upp oftar en einu sinni. Í fyrrasumar sást Saclimenti meðal annars úti á lífinu með tveimur íslenskum konum og fór Love Island-samfélagið nánast á hliðina í kjölfarið.

Frétt af mbl.is

Love Island-stjarna djammaði með íslenskum konum

Frétt af mbl.is

Opnar sig um íslensku stelpurnar

Davide Saclimenti tilkynnti sambandsslitin á Instagram. Skjáskot/Instagram

Tengdar fréttir

Skilnaður

Þjáðist í hljóði á eigin heimili

• Streep og Gummer skilin að skiptum
• Smith segir hjónabandinu lokið
• Leyfði eiginkonunni að halda fram hjá vegna aldurbilsins
• Kemur í veg fyrir ágreining við sambúðarslit með ákveðnu fyrirkomulagi

» Fleiri tengdar fréttir

Raunveruleikaþættir

Skaut sig óvart í kviðinn

• Skellti sér á skeljarnar á fallegri strönd á Bora Bora
• Sigurpar Love Island strax hætt saman
• „Ég heimta endurtalningu“
• Óþekkjanleg á tískupallinum í París

» Fleiri tengdar fréttir

• Blogga um frétt