Laus úr fangelsi eftir tæplega tvö ár
Setja bókamerki
Bandaríska leikkonan Allison Mack, sem er hvað þekktust fyrir leik sinn í unglingaþáttaröðinni Smallville, hefur verið látin laus eftir að hafa setið í fangelsi í tæplega tvö ár. Hún var dæmd fyrir aðild sína að Nxivm-mansalshringnum. Leikkonan var fyrst handtekin árið 2018 og átti yfir höfði sér allt að 17 ára fangelsi.
Mack, 40 ára, var sleppt úr fangelsi hinn 3. júlí síðastliðinn að því er fram kemur á vef Fangelsismálastofnunnar (e. Federal Bureau of Prisons). Leikkonan var dæmd í þriggja ára fangelsi í júní 2021, en hún játaði fyrir dómi að hafa hjálpað til við að lokka konur til fylgis við Nxivm-mansalshringinn. Mack hóf afplánun sína í alríkisfangelsinu í Dublin í Kaliforníu í september 2021.
Leikkonan hlaut vægari dóm gegn því að veita alríkislögreglu og saksóknara mikilvægar upplýsingar um samtökin og leiðtoga þeirra, Keith Raniere. Í október 2020 var Raniere dæmdur í 120 ára fangelsi fyrir fjárglæfrastarfsemi, kynlífsþrælkun og aðra glæpi.
/frimg/1/53/7/1530787.jpg)
Flogið á milli ljósaskipta
„Höfum sloppið bærilega með skaða af þessu gosi“
Hópur fólks reyndi að komast að eldgosinu
/frimg/1/53/8/1530849.jpg)
Fatlaður drengur fær ekki þjónustu í verkfalli
Dómur þyngdur um þrjú ár
Hótar Bretum og Bandaríkjamönnum
Yfir 300 stæði fóru undir hraun