Tónlistarkonan Ariana Grande og fasteignasalinn Dalton Gomez hafa ákveðið að fara hvort í sína áttina eftir tveggja ára hjónaband. 

Heimildir Page Six herma að Grande og Gomez hafi slitið sambandi sínu í janúar síðastliðnum. „Þau tóku ákvörðunina saman. Þau höfðu átt í erfiðleikum fyrir sambandsslitin í janúar, en þau vilja vera bestu vinir áfram,“ sagði heimildamaðurinn. 

„Þau hafa verið mjög góðir vinir í gegnum allt ferlið og vinir þeirra og fjölskyldur hafa reynt að vernda þau,“ bætti hann við, en orðrómur um sambandsslit Grande og Gomez fór á flug eftir að Grande kom fram á Wimbledon síðastliðna helgi án giftingahringsins.

Bónorð með þýðingamiklum hring

Gomez fór á skeljarnar og bað Grande í desember árið 2020 með perlu- og demantshring sem hafði mjög sérstaka þýðingu fyrir tónlistarkonuna, en perlan kom úr hring sem amma hennar hafði gefið henni.

Grange og Gomez gengu svo í það heilaga við leynilega og fámenna athöfn í maí 2021 á heimili sínu í Montecito í Kaliforníu. 

Dalton Gomez og Ariana Grande. Skjáskot/Instagram

Tengdar fréttir

Ást í Hollywood

Hávær orðrómur um hjónaskilnað

• Skellti sér á skeljarnar á fallegri strönd á Bora Bora
• Sögð hafa vitað um meint framhjáhald Jackman og Foster
• Stjörnuhjón hvort í sína áttina
• Jason Kelce og Taylor Swift láta eins og ekkert sé eftir ljótt atvik

» Fleiri tengdar fréttir

Skilnaður

Þjáðist í hljóði á eigin heimili

• Streep og Gummer skilin að skiptum
• Smith segir hjónabandinu lokið
• Leyfði eiginkonunni að halda fram hjá vegna aldurbilsins
• Kemur í veg fyrir ágreining við sambúðarslit með ákveðnu fyrirkomulagi

» Fleiri tengdar fréttir

• Blogga um frétt