Lana Del Rey tók vakt á Waffle House

Söngkonan Lana Del Rey vakti mikla athygli í Alabama á dögunum, en söngkonan lagði hljóðnemann frá sér til þess að hella upp á kaffi og taka við matarpöntunum gesta Waffle House. Það er vinsæll matsölustaður víðsvegar um Bandaríkin.

Rey sinnti ýmsum verkefnum og vann bæði á bak við afgreiðsluborðið og í matsalnum ásamt því að sitja fyrir myndum með aðdáendum. 

Starfsmaður mánaðarins

Myndir af söngkonunni í þjónustubúningnum fóru á flug á samfélagsmiðlum og sem fyrr létu viðbrögðin ekki á sér standa. „Starfsmaður mánaðarins á Waffle House: Lana Del Rey,“ tístu netverjar. 

Rey er ein farsælasta söngkona síðari tíma og kom nýverið fram á uppseldum tónleikum í Hyde Park í Lundúnum.

Fulltrúar söngkonunnar hafa ekki svarað fyrirspurnum fjölmiðla varðandi starfsdag söngkonunnar á matsölustaðnum, en Rey hafði áður lýst því yfir að hún væri áhugasöm um að auka færni sína og kynna sér aðra starfsmöguleika.

• Blogga um frétt