Eiríkur Rögnvaldsson, pró­fess­or emer­it­us í ís­lenskri mál­fræði, hefur svarað ásökunum Snorra Mássonar fjölmiðlamanns. Eiríkur segir ásakanir Snorra óheiðarlegar.

Þetta byrjaði með því að Heiðar Guðjóns­son fjárfestir hafði í hlaðvarpi Skoðana­bræðra lýst áhyggj­um sín­um af af­drif­um ís­lenskr­ar tungu og þar með menn­ing­ar ef fólks­fjölg­un á Íslandi yrði áfram einkum á for­send­um þess að tug­ir þúsunda inn­flytj­enda flytji til lands­ins á ári hverju, sem fæst­ir læra ís­lensku.

Ei­rík­ur brást við þeim mál­flutn­ingi með því að að segja Heiðar ala á út­lend­inga­andúð und­ir for­merkj­um mál­vernd­ar.

Snorri sagði þá nálg­un Ei­ríks óheiðarlega. „Ef þú lest það sem Heiðar seg­ir og enn frem­ur ef þú hlust­ar á það þá raun­veru­lega, og ég er ekki að þykj­ast vera heimsk­ur, þá finn ég ekki hvar út­lend­inga­andúðin er. Hann er bara að velta þessu upp. Þetta eru breyt­ing­ar sem eru að verða. Hvað finnst okk­ur um það, er hann að segja,“ sagði Snorri í öðrum þætti Skoðanabræðra.

Frétt af mbl.is

„Mér finnst þetta bara óheiðarlegt“

Ásakanir um ásakanir um ásakanir...

Eiríkur hefur nú svarað ásökunum Snorra á Facebook. 

„Ég sé að Snorri Másson vænir mig um óheiðarleik í viðbrögðum mínum við viðtali sem hann og Bergþór bróðir hans áttu við Heiðar Guðjónsson um daginn,“ segir Eiríkur.

Snorri gefi í skyn að Eiríkur tali gegn betri vitund sinni og það sé óheiðarlegt. Eiríkur segist ekki skilja hvernig Snorri fær það út.

Hann segir endursögn Snorra á viðtalinu við Heiðar vera býsna ónákvæma. Því fari fjarri að Heiðar sé hlutlaust að velta fyrir sér þróun útlendingamála á Íslandi.

„Það er alveg augljóst að hann er að tala mjög ákveðið gegn þeirri þróun sem um ræðir,“ segir Eiríkur.

Eiríkur segir þó rétt það sem Snorri segir um að hann hafi ákveðnar hugmyndir um hvernig eigi að berjast fyrir íslenskunni.

„Þær felast í því að það skuli gert með jákvæðni, umburðarlyndi og virðingu fyrir fólki að leiðarljósi, en ekki með leiðréttingum, umvöndunum, yfirlæti og þjóðrembu,“ bætir Eiríkur við.

Frétt af mbl.is

„Ekki við innflytjendur að sakast“

Engin krafa um rétta túlkun

„Með því að tala um „útlendingaandúð undir formerkjum málverndar“ var ég að lýsa þeirri tilfinningu sem ég fékk við lestur viðtalsins og byggði á ýmsum atriðum í orðalagi og framsetningu,“ segir Eiríkur undir lok færslunnar.

Hann segist ekki gera kröfu til þess að túlkun hans sé talin réttari en aðrar, og það megi alveg reyna að sannfæra hann um að hann hafi rangt fyrir sér.

„Ég ætlast hins vegar til þess að því sé trúað að það sem ég segi sé einlæg tilfinning mín en ekki sett fram gegn betri vitund af einhverjum annarlegum hvötum. Það finnst mér óheiðarleg ásökun,“ segir Eiríkur.

Frétt af mbl.is

Varar við óafturkræfum áhrifum á íslenskt samfélag

Tengdar fréttir

Íslenska

Kristján Hreinsson kærir RÚV til ráðherra

• Mun ekki tala um „Norðfólk“ í stað „Norðmanna“
• Íslenskufærni myndi hraða fjölskyldusameiningum
• Dapurlegur vitnisburður um áhugaleysi ríkisstjórnarinnar
• Íslendingar eftirbátar Eista

» Fleiri tengdar fréttir

• Blogga um frétt