Sópransöngkonan Álfheiður Erla Guðmundsdóttir hefur starfað við virt óperuhús í borginni Basel í Sviss síðastliðin þrjú ár. Hún segir margt í þessum bransa snúast um að vera á réttum stað á réttum tíma og það á svo sannarlega við um leið hennar að föstum samningi við Theater Basel. 

Árið 2020 var henni með litlum fyrirvara boðið hlutverk í uppsetningu hjá Theater Basel í Sviss vegna þess að sópraninn sem fyrir var þurfti að draga sig út úr verkefninu.

Þeir tóku rosalega mikinn séns

 „Einhver hafði flett mér upp á YouTube, þannig ég var ráðin út frá einhverju YouTube-myndbandi,“ segir Álfheiður.

„Þeir tóku þar rosalega mikinn séns því þeir voru ekkert búnir að heyra í mér á sviði og hvort ég væri með nógu kraftmikla rödd til þess að syngja með svona stórri hljómsveit. En þannig hófst Basel-ævintýrið.“

Eftir þetta verkefni bauðst henni fastur samingur sem sópran við húsið og hún segist hafa verið fljót að þiggja það með þökkum enda hafi sér strax liðið vel í borginni.

Úr Apparition, samstarfsverkefni Álfheiðar, Kunal Lahiry og Mörtu Hlínar Þorsteinsdóttur, í Eldborg í apríl á síðasta ári. Ljósmynd/Hjördís Jónsdóttir

Álfheiður sagði frá daglegu lífi óperusöngkonu í Basel og mörgu fleiru í Dagmálum þar sem hún var gestur Ragnheiðar Birgisdóttur. Þáttinn í heild má finna hér að neðan. 

Mögnuð augna­blik á sviðinu í Basel

Tengdar fréttir

Dagmál

Opin fyrir almennri kosningu biskups

• „Fannst eins og ég væri að ganga nakinn um bæinn“
• Snemmtekinn lífeyrir – kostir og gallar
• Viltu verða milljónamæringur um sextugt?
• Vika í helvíti sem tók á frá fyrstu mínútu

» Fleiri tengdar fréttir

• Blogga um frétt