Samfélagsmiðlastjarnan Joe Muchlinski, betur þekktur undir TikTok-nafni sínu VonViddy, er látin 32 ára að aldri. Systir hans Martha Muchlinski greindi frá andláti hans á samfélagsmiðlum á þriðjudag, en samkvæmt skrifstofu réttarlæknis í Hennepin-sýslu þá lést Joe Muchlinski á mánudag.

Muchlinski var vinsæll á samfélagsmiðlinum TikTok og var með yfir 170.000 fylgjendur og hafði öðlast milljónir „likes” á myndskeiðin sem hann deildi.

„Ég vil staðfesta hér og nú fyrir ykkur, aðdáendum hans, að Joe hefur tapað langri baráttu sinni við geðsjúkdóma en hann féll fyrir eigin hendi,” sagði systir hans í TikTok-myndskeiði sem birtist á þriðjudag. „Joe háði langa og erfiða baráttu við geðsjúkdóma en okkar von er sú að hann hafi nú öðlast frið,” sagði systir hans. 

Ef þú ert að upp­lifa sjálfs­vígs­hugs­an­ir er hjálp­arsími Rauða kross­ins, 1717, op­inn all­an sól­ar­hring­inn. Einnig er net­spjall Rauða kross­ins, 1717.is, opið all­an sól­ar­hring­inn. Píeta-sam­tök­in veita ókeyp­is ráðgjöf í síma 552-2218. Á net­spjalli á Heilsu­vera.is er einnig hægt að ráðfæra sig við hjúkr­un­ar­fræðing um næstu skref. Ef þú ert í bráðri hættu hringdu í 112.

Tengdar fréttir

TikTok

Bella Brave er látin tíu ára að aldri

• Bitinn af rottu og slær í gegn á TikTok
• Svona brást faðir Ingileifar við kynlífssenum í bók hennar
• Embla hitti förðunardrottninguna á bak við Huda Beauty
• Gekk í tvo tíma að Leifsstöð: Leigubíllinn of dýr

» Fleiri tengdar fréttir

• Blogga um frétt