Eiginkona Masterson sögð „eyðilögð og óhuggandi“

Eiginkona bandaríska leikarans Danny Masterson, Bijou Philips, er sögð „eyðilögð og óhuggandi“ yfir fangelsisdómi Masterson, en leikarinn var í síðustu viku dæmdur í 30 ára fangelsi fyrir að nauðga tveimur konum snemma á þessari öld. Samkvæmt Philips, sem hefur verið gift Masterson frá árinu 2011, hefur hún engin áform í huga um það að enda hjónabandið.

Frétt af mbl.is

Masterson dæmdur í 30 ára fangelsi

„Hún hefur átt erfitt uppdráttar frá því að hann var dæmdur,“ sagði heimildarmaður við tímaritið People á miðvikudag. „Hún elskar Danny og ætlar ekki að sækja um skilnað. Hún stendur með honum.“

Frétt af mbl.is

Á sjálfsvígsvakt eftir dóminn

Philips, 43 ára, er einnig sögð mjög áhyggjufull um að leikarinn verði fyrir skaða af völdum annarra fanga, en leikkonan trúir á sakleysi Masterson og er vongóð um hægt verði að áfrýja dómnum í náinni framtíð.

• Blogga um frétt