Jackman á röltinu í New York eftir skilnaðarfréttir
Setja bókamerki
Ástralski leikarinn Hugh Jackman sást á götum New York-borgar á sunnudag aðeins dögum eftir að hann tilkynnti um skilnað við eiginkonu sína til 27 ára, Deborru-Lee Furness.
Jackman, 54 ára, var léttklæddur í stuttbuxum og bol frá Global Citizen Festival en blíðskaparveður hefur leikið við borgarbúa síðastliðna daga.
Leikarahjónin komu heiminum í hálfgert uppnám á föstudag þegar þau tilkynntu um skilnað sinn. Sögðust þau vera þakklát fyrir að hafa eytt nær þremur áratugum saman sem hjón í ástríku og yndislegu hjónabandi.
Yfir sig ástfanginn í apríl
Í apríl birti Jackman færslu á Instagram í tilefni af 27 ára brúðkaupsafmæli hjónanna. Þar fór leikarinn fögrum orðum um eiginkonu sína.
„Ég elska þig, Deb. Í dag eigum við 27 ára brúðkaupsafmæli. 27 ÁRA!! Ég elska þig svo mikið. Saman höfum við búið til fallega fjölskyldu. Og lífið. Hláturinn þinn, andi, gjafmildi, húmor, ósvífni, hugrekki og tryggð er mér hin ótrúlegasta gjöf.
Ég elska þig af öllu mínu hjarta,“ skrifaði leikarinn við færsluna sem sýnir brosmilda mynd af parinu.
Forstjóri bendir á ábyrgð birgja vegna verðhækkana
Segir að verið sé að svindla á Bandaríkjunum
„Tímabil aukinnar eldvirkni“
Skattamál verði líklega „þeirra mesta klemma“
Hrikalegt að heyra fréttirnar
Þetta eru ráðherrar ríkisstjórnarinnar
Lát hjóna í Neskaupstað: Ákæra gefin út
Fyrsti blaðamannafundurinn í heild sinni
