Shakira aftur ákærð fyrir skattsvik
Setja bókamerki
Tónlistarkonan Shakira hefur verið ákærð í annað sinn fyrir skattsvik á Spáni. Hún var fyrst ákærð árið 2018 fyrir að hafa ekki greitt skatt af tekjum sínum á árunum 2012 til 2014.
Nú hefur Shakira aftur verið ákærð fyrir skattsvik á Spáni, en samkvæmt spænska dagblaðinu El Mundo heldur saksóknari því fram að söngkonan hafi notast við „fyrirtækjanet í skattaskjólum“ til að komast undan því að greiða 6,7 milljónir evra í skatta af tekjum sínum árið 2018. Upphæðin nemur rúmum 959,5 milljónum króna á gengi dagsins í dag.
Ákæran var lögð fram síðastliðinn þriðjudag, en ekki hefur komið fram hvenær Shakira þurfi að mæta fyrir dómstóla vegna málsins. Hins vegar er lögfræðiteymi hennar nú í óða önn að undirbúa réttarhöld vegna fyrri ákærunnar sem hefjast hinn 20. nóvember næstkomandi í Barcelona að því er fram kemur á vef Page Six.
Ekki vandamál að vera karlmaður
„Höfum sloppið bærilega með skaða af þessu gosi“
Sjötti ferðamaðurinn er látinn
Hópur fólks reyndi að komast að eldgosinu
Fullvissa ferðamenn um að hér sé öruggt
Reiðubúin að aflýsa verkföllum í fjórum leikskólum
