Cooper og Hadid sögð vera að stinga saman nefjum
Setja bókamerki
Leikarinn Bradley Cooper og ofurfyrirsætan Gigi Hadid eru sögð vera að stinga saman nefjum þessa dagana, en þau sáust yfirgefa veitingastaðinn Via Carota á fimmtudagskvöld í New York-borg.
Parið reyndi að láta lítið fyrir sér fara og hefur ekki gefið neitt opinberalega út um það hvort það eigi í ástarsambandi.
Cooper skaust upp á stjörnuhimininn árið 2009 í kvikmyndinni The Hangover og hefur leikið hvert stórhlutverkið á fætur öðru síðan. Hadid er ein eftirsóttasta fyrirsæta heims um þessar mundir.
Cooper á eina dóttur með ofurfyrirsætunni Irinu Shayk og var að hitta stjórnmálafræðinginn Huma Abedin á síðasta ári.
Hadid á einnig eina dóttur úr sambandi sínu með söngvaranum Zayn Malik, sem gerði garðinn frægan með One Direction. Rúmt ár er frá því að Hadid sást með stórleikaranum og góðvini Cooper, Leonardo DiCaprio.
Líklega komin á seinni hluta hrinunnar í Svartsengi
Hótar Bretum og Bandaríkjamönnum
Virknin dregist saman um 600 metra
Hluti bílastæðis undir hraun: Ómögulegt að meta tjón
Hraunið við bílastæði Bláa lónsins
Drónamyndskeið frá hápunkti gossins í nótt
Mæðgur dæmdar til að greiða 64 milljónir
„Erum í miðri hrinu“: Styttist í Eldvörp