Hættur að fylgja öllum en ekkert persónulegt

Ef tónlistarmaðurinn Emmsjé Gauti hætti að fylgja þér á Instagram nýlega er það ekki vegna þess að honum er illa við þig. Gauti ákvað að gera tiltekt á miðlinum til þess að koma í veg fyrir að Instagram rændi frá sér tíma. Í dag er hann ekki að fylgja neinum. –

„Minni tími á samfélagsmiðlum. Meiri tími í aðra hluti,“ skrifaði Gauti til að útskýra af hverju hann er ekki að fylgja neinum. „Unfollowaði alla. Ekkert persónulegt.“ 

Gauti hefur ekki tíma fyrir tímaþjófinn Instagram. Gauti er með mörg járn í eldinum og þarf líklega á tímanum að halda. Hann er með stóra fjölskyldu, er að sinna tónlistinni á fullu og á haustin er hann að undirbúa árlega jólatónleika sína. 

Stórstjörnur úti í heimi hafa tekið til

Að hætta að fylgja fólki á samfélagsmiðlum þykir valdeflandi. Tónlistarkonurnar Taylor Swift, Billie Eilish og Olivia Rodrigo eru ekki að fylgja neinum. Þær eru þó allar með virkt Instagram og með marga fylgjendur.

Taylor Swift. AFP

Söngkonan Billie Eilish. AFP/Mike Coppola

Olivia Rodrigo. AFP

Vildi eyða minni tíma á netinu

Youtube-stjarnan Emma Chamberlain hætti að fylgja öllum í fyrra en hún hafði talað mikið um að vilja verja minni tíma á netinu. Í dag er hún aðeins að fylgja þremur aðilum þar á meðal eigin kaffifyrirtæki. 

Emma Chamberlain tók til eins og Emmsjé Gauti. AFP

• Blogga um frétt