Swift og Kelce yfir sig ástfangin
Setja bókamerki
Nýjasta, heitasta og umtalaðasta parið í Hollywood, Taylor Swift og Travis Kelce, er hætt að fela ást sína fyrir umheiminum. Parið sást haldast í hendur er það yfirgaf veitingahúsið The Waverly Inn í West Village í New York á sunnudagskvöldið.
Swift og Kelce brostu sína breiðasta og létu forvitni götuljósmyndara ekki hafa áhrif á kvöldið.
Söngkonan hefur verið dugleg að mæta á leiki Kansas City Chiefs í bandarísku NFL-deildinni síðastliðnar vikur, en Kelce er einn af lykilleikmönnum liðsins.
Swift kynti undir orðróm um mögulegt ástarsamband hennar og íþróttamannsins í september þegar hún sást með hálsmen með fæðingarsteini Kelce.
Swift hefur gegnum árin verið orðuð við marga fræga menn í Hollywood og má þar nefna Jake Gyllenhaal, Tom Hiddleston, Joe Jonas, John Mayer, Zac Efron og Harry Styles. Söngkonan sleit samvistum við leikarann Joe Alwyn í apríl á þessu ári eftir sex ára samband.
Viðbrögð ríkisstjórnarinnar ráða árangrinum
Óvíst hvað gerist þegar fer að hlýna
„Ýmislegt fleira sem kemur í ljós á næstu vikum“
Sannfærð um að „gullmolar“ leynist í tillögunum
Inflúensan sækir í sig veðrið
Andlát á hjúkrunarheimili ekki alvarlegt tilfelli
Ég hef aldrei verið jafn hamingjusamur