Leikkonan Sophia Bush er búin að finna ástina aftur. Bush er sögð vera að hitta fótboltakonuna Ashlyn Harris. Leikkonan hætti með eiginmanni sínum, fjárfestinum Grant Hughes, í ágúst eftir rúmlega eins árs hjónaband. Harris sótti um skilnað frá eiginkonu sinni í september.
Bush, sem flestir kannast við úr One Tree Hill, er mikill fótboltaaðdáandi og hefur þekkt Harris í nokkur ár. Samband þeirra þróaðist í rómantískt samband í júní þegar þær tóku þátt í pallborðsumræðum á Cannes Lions auglýsingahátíðinni í Frakklandi. „Sambandið er nýtt af nálinni,“ segir heimildarmaður Page Six. „Þær eru pottþétt saman.“
Bush er tvískilin en leikkonan var áður gift meðleikara sínum úr One Tree Hill, Chad Michael Murray. Parið sótti um skilnað einungis nokkrum mánuðum eftir brúðkaupið.