Kaleo tróð óvænt upp í Boston

Það vakti mikla lukku gesta þegar Kaleo tróð óvænt upp á Íslandskynningu sem haldin var í Boston um helgina. Kynningin, sem var haldin á vegum Icelandair, Bláa lónsins, 66°Norður og fleiri fyrirtækja frá fimmtudegi til sunnudags, vakti mikla athygli meðal fjölmiðla og almennings.

Lava show bauð upp á minni útgáfu af sýningu sinni frá morgni til kvölds, gestum og gangandi bauðst að kynnast starfsemi íslenskra fyrirtækja og smakka íslenskan mat auk þess sem boðið var upp á ýmis skemmtiatriði. Ari Eldjárn var með uppistand á föstudag, sem um leið var hans fyrsta uppistand vestanhafs, auk þess sem DJ Berndsen, Gugusar og Axel Flóvent komu fram.

Lesa má meira um málið í Morgunblaðinu í dag.