Dekrað verður við konur og kvár í tilefni kvennaverkfallsins á þriðjudag á veitingastaðnum Önnu Jónu, en konur og kvár munu fá 21% afslátt af öllum réttum staðarins í samræmi við launamismun kynjanna.

Þá hefur eigandinn Haraldur Þorleifsson kallað til nokkra „vanhæfa þjóna“ til að standa vaktina til að fylla í störf kvennanna sem leggja niður störf þennan dag.

Óvæntir þjónar geta dúkkað upp

Til þjónustu reiðubúnir verða ekki óþekktari menn en grínararnir Ari Eldjárn og Jón Gnarr, tónlistarmennirnir Högni Egilsson, Unnsteinn Manuel, Sigurður Guðmundsson, Einar Örn, Sigtryggur Baldursson og Bragi Valdimar, leikarinn Gunnar Hansson og Haraldur sjálfur, eigandi staðarins.

Konur og kvár munu fá sérstakan afslátt. mbl.is/Ásdís

Haraldur segir í tilkynningu frá veitingastaðnum að gestaþjónarnir muni reyna af fremsta megni að komast með tærnar þar sem kvenþjóðin hefur hælana alla daga í störfunum á veitingastaðnum.

Haraldur ætlar sjálfur að þjóna til borðs á kvennafrídaginn í félagi við þekkta einstaklinga úr þjóðfélaginu og hugsanlega einhverja leynigesti. mbl.is/Ásdís

Til að flækja málin ekki um of fyrir gestaþjónana verður einfaldur brönsmatseðill í boði yfir daginn og geta konur og kvár og stuðningsfólk gætt sér á heimabökuðu brauði, kjúklingi og vöfflum eða fengið sér egg og beikon.

Tengdar fréttir

Kvennafrídagur

Ræddu kröfur kvennaverkfallsins

• 73% hlynnt kvennaverkfallinu
• Kvennaverkfallið vakti athygli um allan heim
• Hvað er svona merkilegt við það að vera kvenmaður?
• Baráttufundir víða um land

» Fleiri tengdar fréttir

• 1 blogg um fréttina

Bloggað um fréttina

• Örn Gunnlaugsson: Skakkur útreikningur.