Laufey ræddi við einn þekktasta blaðamann heims
Setja bókamerki
/frimg/1/52/9/1520945.jpg)
Tónlistarkonan Laufey Lín Jónsdóttir heldur áfram að heilla fólk um heim allan með blæbrigðaríkri rödd sinni og fyrstu plötu, Bewitched. Hún er um þessar mundir á tónleikaferðalagi erlendis en gaf sér tíma til þess að ræða við Josh Ruskin, betur þekktur sem Nardwuar eða Nardwuar the Human Serviette. Sá er blaðamaður og þekktur fyrir kunnáttu sína og umfangsmiklar rannsóknir á tónlistarsögu heimsins.
Laufey kíkti í heimsókn til Nardwuar í Vancouver í Kanada og ræddu þau meðal annars um tónlist, djasssöguna og líf Laufeyjar á Íslandi. Nardwuar birti myndband af viðtalinu á vinsælli Youtube-síðu hans í gærdag og hefur það nú þegar hlotið yfir 94 þúsund áhorf, en Nardwuar er vinsæll á Youtube og með rúmlega þrjár milljónir fylgjenda á síðunni.
Líkleg á Grammy
Það eru spennandi tímar framundan hjá tónlistarkonunni, en hún er meðal þeirra átta sem helst þykja koma til greina í nýliðaverðlaun Grammy.
Plata hennar, Bewitched, sem út kom í liðnum mánuði þykir einnig eiga möguleika sem plata ársins hjá Variety, sem er helsta fagrit bandarísks skemmtanaiðnar.
Maðurinn sem lést var íslenskur
Tíu börn á spítala, þar af tvö á gjörgæslu
Ísrael rýfur öll tengsl við UNRWA
Funduðu að næturlagi vegna gruns um kvikuhlaup
Vilja greina niðurstöður PISA-könnunarinnar
Mjótt á munum degi fyrir kosningar
Söfnuðu rúmlega 93 milljónum
Ekki gerlegt að sakfella eftir lýsingu í ákæru