„Hugur okkar er hjá fjölskyldu Matty“

Fyrrverandi samleikarar Matthew Perry segjast niðurbrotin yfir fréttum af fráfalli vinar síns. 

Perry, sem var einn ást­sæl­asti leik­ari Banda­ríkj­anna og Kan­ada, lést á laugardaginn. Hann fór með hlut­verk Chandlers Bing í gam­anþátt­un­um Friends sem sýnd­ir voru á ár­un­um 1994 til 2004. 

Jennifer Aniston, Courteney Cox, Matt LeBlanc, David Schwimmer og Lisa Kudrow, sem fóru einnig með aðalhlutverk í þáttunum, hafa nú sent frá sameiginlega yfirlýsingu. 

„Við vorum meira en bara vinnufélagar. Við erum fjölskylda. Það er svo margt sem þarf að segja en á þessari stundu ætlum við að taka smá tíma til að syrgja og vinna úr þessum óskiljanlega missi,“ segir í yfirlýsingunni.

Frétt af mbl.is

Flykkjast að blokkinni eftir andlátið

„Hugur okkar er hjá fjölskyldu Matty“

Fjölmiðlar vestanhafs greindu frá því á laugardaginn að Perry hefði fundist látinn í heitapotti á heimili sínu í Los Angeles í Bandaríkjunum. Banamein hans liggur ekki fyrir en ekki er talið að andlátið hans hafi borið að með saknæmum hætti.

„Hugur okkar er hjá fjölskyldu Matty, vinum hans og öllum sem elskuðu hann víða um heiminn,“ segir í yfirlýsingunni.

Frétt af mbl.is

Trudeau minnist skólafélaga síns

• Blogga um frétt