Drottning hrekkjavökunnar stal senunni

Hrekkjavökudrottningin Heidi Klum er þekkt fyrir að fara alla leið á hrekkjavökunni, en í gær klæddi hún sig upp sem gríðarstór páfugl í árlegu hrekkjavökuteiti sem hún heldur fyrir ríka og fræga fólkið í New York-borg.

Á síðasta ári setti Klum internetið á hliðina þegar hún klæddi sig upp sem ánamaðkur, en það tók hana um tíu tíma að gera sig tilbúna með hjálp fjölda aðstoðamanna.

Frétt af mbl.is

Heidi Klum tjaldaði öllu til

Þótt Klum tjaldi vanalega öllu til á hrekkjavökunni er óhætt að segja að búningurinn í ár skeri sig úr að því leyti að hann samanstóð af Klum sjálfri ásamt tíu öðrum einstaklingum, en saman mynduðu þau gríðarstóran páfugl.

Klum var andlit og búkur páfuglsins á meðan tíu einstaklingar úr hinum vinsæla Cirque du Soleil mynduðu fjaðrir og fætur fuglsins. Þá mætti eiginmaður Klum, Tom Kaulitz, sem páfuglaegg. 

• Blogga um frétt