Áfangasigur fyrir Harry prins
Setja bókamerki
Harry prins hefur unnið áfangasigur fyrir breskum dómstólum en hann stendur í umfangsmiklum málaferlum við bresk dagblöð.
Prinsinn hefur lögsótt útgefanda The Sun og The News of the World á grundvelli ólögmætrar upplýsingaöflunar.
Útgefendurnir reyndu að fá málinu vísað frá á grundvelli þess að of langur tími væri liðinn en því hefur nú verið hafnað. Aukast því líkurnar á að formleg réttarhöld fari fram.
Þetta er sagður mikilvægur sigur fyrir Harry prins sem vill draga fjölmiðla til ábyrgðar en hann telur að þáttur þeirra í dauða móður sinnar hafi verið mikill. Hann hefur heitið því að ná fram breytingum á breska fjölmiðlaheiminum.
Breskir fjölmiðlar þykja almennt mjög óvægnir og sagt er að þeir hafi í gegnum tíðina notast við ýmsar vafasamar leiðir til þess að njósna um þjóðþekkta einstaklinga og brotið þannig á friðhelgi einkalífs þeirra. Það hafi meðal annars tíðkast að villa á sér heimildir til þess að ná viðkvæmum heilsufarslegum upplýsingum til þess að nota í fréttir.
Margir taka þessari ákvörðun dómstóla fagnandi.
„Þessi úrskurður dómara er töluvert áfall fyrir Daily Mail og frábærar fréttir fyrir hvern þann sem vill varpa ljósi á sannleikann hvað varðar óheiðarlega fréttamennsku,“ segir leikarinn Hugh Grant en hann er í forsvari fyrir þrýstihópinn Hacked Off sem berst fyrir heilbrigðara fjölmiðlaumhverfi.
Þriðja tilboðið hugsanlega á leiðinni
Við höfum „runnið til baka niður brekkuna“
Mikið magn af rauðvínspóstum eftir helgar
Lögreglustjóri gerður afturreka
Höddi Magg snýr aftur í enska boltann
Kourani áfrýjar dómnum
Íranir hafna allri aðild að banatilræðinu