Joey kveður Chandler

Matt LeBlanc, sem fór með hlutverk Joey Tribbiani í Friends, kvaddi mótleikara sinn úr þáttunum, Matthew Perry, í hjartnæmri færslu á Instagram í dag. Sagði hann það hafa verið heiður að fá að deila sviðinu með honum. 

Perry fannst látinn á heimili sínu í október. Hann fór með hlutverk Chandler Bing í Friends og léku þeir LeBlanc ófáar senurnar saman. 

„Það hryggir mig að kveðja þig. Allar þær stundir sem við áttum saman eru án efa með mínum uppáhaldsstundum í lífinu. Það var heiður að fá að deila sviðinu með þér og að fá að kalla þig vin minn. Ég mun alltaf brosa þegar ég hugsa um þig og mun aldrei gleyma þér. Aldrei,“ skrifar LeBlanc í færslu sinni. 

LeBlanc endar færsluna á léttu nótunum og segir: „Ætli þú fáir ekki að halda 20 dollurunum sem þú skuldar mér“.

• Blogga um frétt